من زمان وعندنا عاده موروثه .. طالما رمضان قرّب يبقى نجهزله من بدري ..
ننزل نشتري زينه ومكسرات وياميش وعصاير وغيره .. بنصرف في التجهيزات دي ضعف اللي بنصرفه في اي شهر من شهور السنه.
هي الحقيقة متعه وشعور جميل .. بس هل ده صح مالياً خاصةً في ظل ارتفاع الأسعار وتضخم الغذاء؟
هل مبدأ الترشيد هيتعارض مع ده وهيحرمني من احساس التجهيز لرمضان؟ هل هيخليني استغنى عن حاجات اتعودت اجيبها من سنين مهما زاد سعرها؟
هل انا محتاج أراجع سلوكياتي في الشراء شوية؟
طيب والعزومات والتجمعات، اتعامل ازاي معاها؟
وارتفاع الأسعار ده، هيأثر على كام بيت محتاج كان بيستنى دخول رمضان بخيره؟
احداث ومواقف وتغيرات كتير كلنا حسينا بيها الشهور اللي فاتت خلتنا نسأل نفسنا اسئلة كتير جدًا.. هيجاوبكم عليها د. حازم عبد الرحمن في محاضرة مجانية بعنوان (هل رمضان شهر الإنفاق ام الاستثمار)
هنتكلم في محاضرتنا عن:
كيفية الترشيد
سلوكيات الشراء في رمضان
العزومات في رمضان
ازاي تشتري التزاماتك في ظل غلاء الأسعار؟
الصدقة في رمضان في ظل التضخم وزيادة الأسعار.
ونقط تاني كتير هنتكلم ونتناقش فيها يوم السبت الموافق 18 مارس 2023
